Terminkalender
Newsletter

Öffnungzeiten:

Restaurant:
Mo, Di, Do - Sa 11.00 bis 14.00 Uhr, ab 16.30 Uhr
Mi und So Ruhetage

Für Gesellschaften öffnen wir nach Absprache gerne auch an Ruhetagen.

Chronä Chäller (Bar):
Do und Sa ab 20.00 Uhr
Fr ab 17.00 Uhr

Telefon: 055 293 53 23

Chronä Höfli

Üses Chronä Höfli - s gmüetlichi Gartä-Reschtaurant im gschütztä Hinterhof
Wenn's warm und schön isch, mached mir uf! Mer chan also au im Freiä Zmittag oder Znacht ässä!

Zwar häts nur rund 20 Plätz, aber grad drum isch äs oho .....

Für äs ungschtörts Mittagessä im Freiä oder än gmüetlichä Glaceplausch am spatä Nachmittag cha mer sich also in Zuekunft im Chronä Höfli treffä. Am Mittag schiint nu d Sunnä, wird aber vu dä ständig wachsendä Chlätterpflanzä meh und meh verdeckt und gegä dä Abig händ mir dank äm Schattä vu dä Chronä äs agnehm chüels und grüens Plätzli zum Verwilä. Am spätere Abig wönd mir dänn üsi Nachburä schonä und laded üsi Gäscht i, a dä Stehbar i dä Arkadä - direkt a dä Strass - än Apéro zgnüsä und sich mit anderä Lüt zträffä.

Wer gärn sin Zmittag im Höfli inäh möcht reserviert sich am beschtä sin Platz im Vorus,
denn wiä gseit: dä Platz isch leider beschränkt.....

Nüi Pflanzä und än hufä Chrüter gfindet mer das Jahr (2013) im Chronä Höfli. Natürlich bruched mir die Chrütli au i dä Chronä Chuchi! Langsam aber sicher wird au s’Pflanzädach so dicht, dass es Schattä ohni Sunnäschirm git!

Im Früelig 2011 häts so usgseh...

Än Usblick direkt uf d´Chilä...

...und mit dä momentanä Bepflanzig muetet üses Höfli sogar chli Mediterran a!

Wenn au nüd grad Zitronä oder Figä, so chömed doch au äs paar frischi Chrütli direkt us äm Gärtli!

Föteli vu dä Entstehig im Früelig 2004:

So häts nu im 2003 usgseh.....

Am Aafang sind d Pflanzä nu spärlich gsi.

...häts schu bald afo gedeihä!

...und das isch än chlinä Idruck vu dä Entstehig.

Doch mit viil Geduld und Liebi zum Detail...

Äs paar Jöhrli bruchts nu, bis äs so richtig schattig isch, doch am Nachmittag cha mer scho jetzt schön chüel im Freiä sitzä!

Äs paar Jöhrli bruchts nu, bis äs so richtig schattig isch, doch am Nachmittag cha mer scho jetzt schön chüel im Freiä sitzä!